بعد كم يوم هالسالفه بدت شلتي تبعد عني
 
وانا مستغربه وراهم قلبو علي
 
لايكون اكلت كراسونة وحده منهم وانا مدري
 
شوي شوي الا يقلبون علي الفصل كله
 
قلت والله اني مقرودة اول سنه ويكرهوني البنات
 
رحت لوحده من شلتي وسألتها
 
مصفوقه ببراءة الدلوخ : وش فيكم قالبين علي ماتحبوني..؟؟
 
صقيقتي : لا عشانك حامل حنا مانصادق حوامل
 
مصفوقه: نعععععععم من قالكم اني حامل
 
 
صقيقتي: كل البنات يقولون
 
حتى شوفي كرشتتس وش كبرها تقول جحه
 
<<<والله من كثر البلع خلصت كل الكراسون الي بالمدرسه

 .
 
.
 
وبعد فترتن من الزمن
 
نادتني اليمنيه
 
انا تشققت يوم نادتني ونسيت اني حامل يوم نادتني
 
(من كثر مايقولون اني حامل صدقت اني حامل )
 
اليمنيه: ابيتس اخر الدوام
 
قلت ابشري ياشيخه لو تبيني اقعد بالمدرسه لين اخر الاسبوع تامر امر
 
<<<سلكولها بزر
 
وجا اخر الدوام وافحط مسرعتن لها 
 
مصفوقه: امري يااستاذه
 
اليمنيه: ماشالله يامصفوقه متى اعرستي..؟؟
 
انا احسبها تستخف دمها وتتميلح قعدت اضحك اسلك لها
 
اليمنيه: ليه مارديتي لاتستحين انتي وخشتس..؟؟
 
انا بديت اشك بالموضوع
 
مصفوقه: من قالتس اني اعرست ماعرست اصلا انا
 
اليمنيه: هووو اجل شلون حملتي..؟؟؟
 
انا عيوني تغرقت من الدموع: انا منيب حامل
 
اليمنيه: غريبه كلن يقوله الاستاذات والبنات
 
قعدت افهمها السالفه وماش ماودها تقتنع
 
قلت بالطقاق الي يطقتس الشرهه على الي يحب زيديتن مثلتس
 
.
 
.
 
.
 
وتجي السنه الي بعدها
 
قلت لاميمتي ابي انقل من المدرسه
 
بس مابوووه فايده
 
وتغيرت مصفوقه
 
بعد ان كانت طفلتن وش زينها تركض بالفسحه بدون جزمه تسوي نفسها زاحفه
 
اصبحت انطوائيه تجلس بالفسحه بالفصل في الزاويه تلتهم الصامولي
 
وكانت تشتكي للصامولي حالها
 
ويقول لها اصبري يامصفوقه
 
دوام الحال من المحال
 
<<يمديكم على الصامولي الحكيم
 
ومرت الايام وصارت مصفوقه

 بثـــــــــــاني متوســـــــــــــط
 
ونسوا البنات سالفتها
 
وكونت لها شلت مصفوقات جديدات
 
ورجعت مصفوقه لعادتها القديمه
 
صارت تركض بالفسحه بدون جزمة (وانتم بكرامه)خخخ
 
في اشاعات ثانيه بس ماش زوله مالي خلق اكمل